Gin siguro han Philippine Army nga waray nakikit-an nga bisan anu nga hulga ha seguridad an ira han-ay nga pwede magin rason agud makumpromiso an syahan nga parliamentary elections ha Bangsamoro Autonomous Region in Muslim Mindanao (BARMM).
Sumala kan Army Spokesperson Col. Louie Dema-ala, padayon an gindudumara nga monitoring han ira hukbo ha mga lugar nga mayda historya hin election-related concerns agud masiguro nga waray magigin disruptions ha mga magigin piniliay nga nakatalaan yana nga Setyembre 14.
Nakaandam daw gihapon an Hukbong Katihan nga maghatag han ira suporta ha Philippine National Police (PNP) ngan ha Commission on Elections (Comelec) agud masigurado an seguridad, kahimyang, ngan kahapsay ha magigin proseso han botosay.
Kasunod hini, ginmalatumat gihapon han tagapagyakan nga mayda sakto nga ihap an ira han-ay para ha padayon nga pagdudumara hin security missions ha rehiyon partikular na tikang ha mga hukbo han 1st, 6th, ngan 11th Infantry Division han military ha western Mindanao.
Samtang, syahan hini in nagpasalamat na gihapon an Office of the Presidential Adviser on Peace, Reconciliation and Unity (OPAPRU) ha mga magbabalaod para ha pagsasalawad han panukala nga panuyo ig reset an first regulatory parliamentary elections ha Bangsamoro region.
