-- Advertisements --
Ginkontra han Philippine Army an nagin pahayag ni Senator Panfilo Lacson kasumpay ha isyu han dire pagigin kontento han ira mga miyembro nga posible magdurot hin destabilization plots.
Ha ginpagawas nga surat han Philippine Army, ginsigurado nira ha publiko nga an tanan nga mga araba ngan katungod han mga miyembro nira in nababaton han mga tagmangulo.
Nasisigurado nira nga an mga miyembro nira in nagpapabilin nga motivated, professional ngan nakatutok ha ira misyon.
Una na nga ginmalatumat ni Lacson nga puydi samantalahon an pira nga mga grupo o destabilayser an pira nga mga pagkakadismaya han mga miyembro han kasundaluhan.
