NATIONAL NEWS- Nagpagawas hin pahinumdom an Philippine Health Insurance Corporation (PhilHealth) ha ira mga miyembro nga dire igpaangbit an ira personal nga impormasyon ha social media.
Subay ha ahensya dire hira nangongolekta hin sensitibo nga datos sugad hiton , ngaran, address, birthdate o PhilHealth Identification Number (PIN) ha ira mga opisyal nga social media accounts.
An nasabi nga pahinumdom in kasumpay ha pagdumdom ha Cybersecurity Awareness Month, kun diin gindig-unan han PhilHealth nga an ira mga verified nga Facebook, X (dati nga Twitter), YouTube, Instagram, TikTok, ngan Spotify accounts in gingagamit la para ha paghatag hin mga announcement ngan pagbaton ha mga pamakiana.
Ginsagdunan gihapon an publiko nga gamiton la an opisyal nga hotline ngan email channels han PhilHealth, kun mayda ginpapakiana sugad hiton PIN verification, status claims, o history han kontribusyon, alinsunod ha Data Privacy Act of 2012.
