TACLOBAN CITY – Ginpaangbit han Philippine Health Insurance Corporation o kun PhilHealth an maabot 13 nga mga bag-o nga benefit packages nga puydi matagmtaman han molupyo.
Sumala kan Health Care Delivery Management Division Chief, Dr. Rosario Suyom ngan Field Operations Division Chief, Acisclo B. Militante, nga an mga bag-o nga mga programa han PhilHealth in nagpapamatuod han ira commitment nga paupayon pa an ira mga serbisyo para han mga Pilipino.
An mga bag-o nga packages in amo an Emergency care package, Severe acute malnutrition Package, outpatient mental health services, preventive oral care services, optometric services ngan Physical medicine, rehabilitation and assistive mobility devices.
Samtang ginmalatumat gihapon han mga opisyal nga an mga nasabi nga pagbabag-o in diri la mahitungod hiton pagpa-upay pa han mga benepisyo han PhilHealth kundi pagpakusog gihapon han Universal Health Care, pag-prayoridad han katungod han mga Pilipino ha kalidad ngan eksakto o patas nga serbisyo panlawas.
