TACLOBAN CITY – Nananawagan an PhilHealth Regional Office 8, ngadto han mga miyembro hini nga ig update an ira mga impormasyon labi na an mayda mga pagbabago ha ira personal information sugad nala hiton apilyedo.
Sumala kan Acisclo Militante – Division Chief hiton Field Operation hiton PhilHealth Regional Office 8, nga importante an pag update agud nga magin real time an ira datos ngan sugad man nga diri na mag iiha pa iton magigin proseso ha oras nga ma-avail an miyembro han mga programa hini.
Lakip pa gihapon nga kinahanglanon ig update, in an pagbabago ha employment status, civil status, pagdugang han mga dependents labi na kun nagkaada hin anak ngan iba pa.
Kinahanglanon la nga magpakita han Certificate of Marriage para han asawa, ngan Birth Certificate, para naman han anak ngan sugad man an form nga pwede madownload ha www.philhealth.gov.ph o di ngani pumakadto ha pinakahirani nga opisina han PhilHealth-8.
