TACLOBAN CITY– Nakaghipatik hin maabot 65.8% an nabaydan na han PhilHealth Regional Office 8, para han Leyte Local Health Office as of June 30, 2023 nga kun diin, amo ini an mayda pinakadamo ngan pinakahitaas nga porsyento nga nabaydan para han Hemodialysis benefit availment.
Ginsundan naman ini han Southern Leyte nga mayda 16%,Eastern Samar nga mayda 5.6%, Northern Samar nga mayda 5.4%, ngan an Biliran nga mayda naman 4.6%.
Ha ilarom manggud han Universal Health Care (UHC) Act o kun RA 11223 in nakabutang ngadto nga makakaavail hin 156 ka sessions an mga pasyente nga nagpapailarom ha Hemodialysis.
Sumala kan Dr. Rosario Suyom, Chief han HCDMD han PhilHealth Region 8, nga nakasurat gihapon ha ira circular nga makakaavail gihapon hini in adtun mga PhilHealth members ngan an mga dependents nga nadiagnosed nga mayda chronic kidney disease stage 5 nga nakarehistro naman ha PhilHealth Dialysis Database.
Dugang naman ni Suyom nga kun an pasyente naman in naka admitar ha usa nga ospital in kinahanglanon la nira nga mag sumiter hin iba la nga aplikasyon nga para naman han hemodialysis han pasyente.
