NATIONAL – Plano nga mag-export han Pilipinas hin 66,000 metriko tonelada hin raw sugar ha Estados Unidos para ha crop year 2024-2025, subay ha Sugar Regulatory Administration (SRA).
Ine in mahuman nga aprubahan han SRA an Sugar Order No. 5, nga gin pirmahan dida han Myerkules, kumo kaparte han mga obligasyon han nasud ha ilarom han US Raw Sugar Tariff-Rate Quota World Trade Allocation.
An export in magseserbi nga pagtuman ha parte han Pilipinas ha 2025 US Sugar Quota Allocation.
An mga kwalipikado nga bulig para ha export in pipilion tikang ha mga nakiparte ha Sugar Order (SO) 2 han SRA, kun diin nahipatik ha 120,000 MT nga raw sugar nga boluntaryo nga napalit.
Gin aghat han ahensya an mga karuyag makibulig ha export para ha 2025 US sugar quota allocation in kinahanglan nga magpasa hin undertaking letting nga mayda notaryo ugsa mag-Marso 30, 2025, nga nagpapahayag ha aktwal nga volume han ira ig eexport.
