Nagdumara hin pira nga serye hin bilateral bomber air patrol ngan live drop exercise an Philippine Air Force (PAF) kaupod an Pacific Air Forces (PACAF) tikang han Pebrero 2 kutob 6 ha magkaduru-dilain nga lokasyon ha Luzon.
Partikular na ha Colonel Ernesto Rabina Air Base (CERAB), Tarlac City, ngan ha may West Philippine Sea pinaagi ha Luzon Strait.
Nakasuporta gihapon ha nasabi nga paghag-id an Special Operations Command Pacific (SOCPAC) ngan U.S. Marine Corps Forces, Pacific (MARFORPAC).
Ha usa nga pahayag, ginmalatumat ni AF spokesperson Col. Ma. Christina Basco nga iginpakita ha nasabi nga bilateral exercise an mga serye han coordinated air activities nga panuyo nga pakusgon pa an kooperasyon ngan interoperability ha butnga han pwersa han Amerika ngan Pilipinas.
Dida han Pebrero 4, gindumara an usa nga air defense scenario ha WPS nga nakapokus ha airspace coordination, command-and-control integration ngan joint operational response.
Dida han nakalabay nga adlaw, nahuman an joint bomber air patrol ha PWS ngan Luzon Strait. Nagpapakita naman ine han pinag-usa nga mission planning, airspace coordination ngan operation readiness ha mga pwersa han Amerika ngan Pilipinas.
