METRO MANILA – Nangunguna an Pilipinas ha mga nasud nga nakakaabat hin pinakadako nga paghitaas han presyo han lana tikang han maglarab an tensyon ha Iran dida han Pebrero 23, 2026.
Basar ha datos han Global Petrol Prices, maabot ha 81.6% an ginhitaas han presyo han diesel ha nasud yana nga Marso, nga amo an pinakahitaas ha bug-os nga kalibutan.
Kasunod hini an Nigeria nga may 78.3% ngan Malaysia nga amy 57.9% nga paghitaas.
Samtang, mas hamubo an nahipatik nga paghitaas ha mga nasud sugad han Japan (14.0%) ngan South Korea (15.1%), samtang nagpapabilin nga waray pagbabag-o an presyo ha India ngan Saudi Arabia.
Ginpapakita han datos nga mas grabe an epekto han pankalibutan nga krisis ha merkado han lana ha mga nasud nga aada ha Asya, labi na an Pilipinas nga nalaum la imported nga suplay.
