Nagdumara hin joint anti-submarine warfare (ASW) exercise an mga hukbo pan-dagat han Pilipinas, Peru, Singapore, ngan Estados Unidos dida han Hulyo 15 kumo kaparte han Rim of the Pacific (RIMPAC) 2026, subay ha Philippine Navy.
Bumulig ha paghag-id an BRP Miguel Malvar han Philippine Navy, RSS Steadfast han Singapore, USS Paul Hamilton, ngan USS Carl M. Levin han U.S. Navy, kaupod an MH-60R Seahawk helicopter ngan P-8A Poseidon maritime patrol aircraft.
Ha simulation, ginlingkuran han BAP Chipana han Peruvian Navy an papel han usa nga “enemy” diesel-electric submarine nga malinangpuson nga natudlok ngan na-neutralize han mga kaapi nga pwersa.
Subay ha Philippine Navy, panuyo ha paghag-id nga pahugton an koordinasyon ngan kapas han mga kaapi ha anti-submarine operations, kaupod an command and control, pagbug-os hin common operating picture, evasive manuevers, ngan magkadudrungan nga pag-atake kontra ha usa nga submarine threat.
Gintagan-duon gihapon han Philippine Navy nga an padayon nga pakikiusa hini ha mga multinational exercises in nagpapadig-on ha papel han Pilipinas ha pagpapadagmit han kapas nganb seguridad ha rehiyon.
