SPORTS—Sulod ha 2027 World Championship an Philippine men’s lacrosse team mahuman nga nakahipatik hin 10-9 overtime victory kontra Japan ha 2026 Asia-Pacific Men’s Lacrosse Tournament.
Baon an 4-7 ka pirdi ha laftime, ginpakita han Nationals an duro nga determinasyon nga maka iskor hin 5 ka goals ha ikatulo nga kwarter para makahabol ngan magpabilin ha laban.
Nakag-dugang pa hin 2 ka goals an Japan ha paghuman han mulay, pero nahimo nga ginpirit han Pilipinas an overtime ha iskor nga 9-9.
Ha extended perior, hi Nicholas Marsh an nagtindog nga lider mahuman nga gintarak an game-winning goal ha ika 75 nga minuto, nga padayon nga naghatod ha Pilipinas hin tiket tipakadto ha 2027 World Championship nga igdudumara ha Japan.
Mababaruan nga ini an ika 3 nga sunod nga pag apil han Pilipinas ha world meet tikang han pag-debut hini han 2018 ha Netanya, Israel, kun diin nakahuman an team ha ika 10 nga pwesto.
