NATIONAL NEWS– Ginsigurado han Embahada han Pilipinas ha Indonesia nga waray Pinoy nga nadamay o naitala nga nasamaran ha natabo nga landslide ha Bandung West Java nga kumuha hin damo nga kinabuhi.
Subay ha pinaka-urhi nga datos nga iginpagawas han Indonesian National Search and Rescue Agency, sumaka na ha walo an naitala nga namatay ha nasabi nga insidente.
Maabot naman ha sobra 82 nga indibidwal an nahereport nga nawawara ngan padayon pa nga ginbibiling.
Apektado gihapon han insidente an sobra usa kagatos nga pamilya ngan presente nga aadto ha mga evacuation centers ha nasabi nga nasud.
Kanit hine, ginsigurado han PH Embassy ha Indonesia nga padayon hira nga makikipagsumpayan ha mga Filipino communities ha Indonesia.
Panuyo han nasabi nga pitad in matudlok kun mayda nga mga Pinoy an nawara o nadamay ha insidente.
Padayon gihapon an monitoring han embahada ha indudmara nga operasyon han mga lokal nga awtoridad han nasabi nga lugar.
