NATIONAL NEWS– Ginbasura han Kataas-taasang Hukuman an petisyon nga iginhaon ni Atty. Ferdinand Topacio ngan iba pa nga kumukwestyon ha legalidad han pagbug-os han I.C.I. o Independent Commission for Infrastructure.
Ine in alinsunod ha natabo nga sesyon han Supreme Court En Banc.
Subay ha resolusyon iginsurat ni Associate Justice Samuel H. Gaerlan, an pagbabasura han nasabi nga petisyon in resulta han pagkays na pagkab-ot o pagpakita han ‘basic requirements’ para ha ‘judicial review’.
Nakasulod ha petisyon an pagtuo han mga petisyuner nga an Executive Order No. (EO) 94, Series of 2025 nga nagbug-os han komisyon in gintalapas an patas nga katungdanan han Kongreso ngan gintangal hine an responsibilidad nga igin-tudlok para ha Office of the Ombudsman ngan Commission on Audit.
Manunumduman, ginbug-os an ICI agud nga magsirbe nga ‘independent fact-finding body’ para mag-imbestiga kasumpay ha maanomalya nga mga proyektong flood control han gobyerno.
