NATIONAL – Makikighampang yana nga adlaw hi Senate President Chiz Escudero ha Senate legal team agud paghisgutan an petisyon nga ginsalawad han Kamara nga mag-isyu an Senado hin “writ of summons” kan Vice Presidente Sara Duterte kasumpay na gihapon han tikahirani nga impeachment trial hine.
Sumala kan Escudero, waray pa niya kababasa o kakikita an petisyon han Kamara.
Igre-refer ngan igdadaop daw ine niya ha Senate legal team agud maadman an nasabi nga petisyon han Kamara.
Dugang pa hine, ira ine aaksyunan hin nasusubay ha balaod ngan ha sakto nga panahon.
Nakasurat ha petisyon han House of Representative an apela kan Escudero nga kumo presiding officer in mag-isyu na hin writ of summons kan VP Duterte ngan manduhan ine nga batunon an articles of impeachment kontra haiya ha sulod han napulo kaadlaw.
