Naghahangyo yana an Sugar Regulatory Adminsitration (SRA) kan Department of Agriculture (DA) Secretary Francisco Tiu Laurel Jr. nga padagmiton an an pagpapagawas han Fertilizer and Pesticide Authority (FPA) permit para ha mga tubo.
Kinahanglan manggud han SRA an nasabi nga clearance agud makapalit na an ira buhatan hin P15 milyon nga kantidad hin pesticides nga gagamuton agud maatuhan an Red Stripe Soft Scale Insect (RSSI) nga namemeste ha mga sugarcane farms ha Negros ngan Panay Island.
Sumala kan SRA Administrator Pablo Luis Azcona, an permit an magdedeklara hin clearance para ha procurement han usa ha mga ginagamit nga pesticides han ira buhatan nga tradisyunal naman nga ginagamit para ha mga tubo.
Samtang, kun maigawas na an permit in dayun nga mapalit ngan igpapandistribwer an mga pesticides agud magamit ha haros 3,394.82 ektarya nga tanuman hin tubo nga apektado han RSSI.
