-- Advertisements --
TACLOBAN CITY — Personal nga delito an usa nga ginhihingita nga anggulo han mga kapulisan ha pagpusila-patay han usa nga security guard han Palawan pawnshop ha Brgy. 47, Real St. Syudad han Tacloban.
Sumala kan PCInsp. Alex Echon, hepe han San Jose Police Station, nga waray robbery o panhold up nga nahitabo kundi tinuyo nga pagpatay ha biktima.
Basar ha kuha han CCTV camera, nakitan nga humaw-as an suspek tikang ha iya ginsasakyan nga pampasahero nga jeep. Deretso ini nga dumaop ha security guard nga nakaduty ha mao nga pawnshop ngan ginpusil ini hin tulo ka beses.
Ha pagkayana, in nagpapabilin la gihapon nga waray pangilal-an an suspek nga nakasulot hin bangot ngan kalo.
