NATIONAL – Gin sigurado han Department of Social Welfare and Development an ira bug-os nga suporta ha peace agenda ni Presidente Ferdinand Marcos Jr.
Kasumpay hine in gintikangan na han ahensya an verification ngan profiling activity ngan paghahatag hin bulig-pinansyal ha mga benpisyaryo tikang ha Moro National Liberation Front (MNLF), ha probinsya han Sulu.
Ine in subay ha direktiba ni Presidente Marcos nga kaparte han peace agreement han gobyerno ha gobyerno han MNLF.
Basar ha datos han ahensya, maabot ha kabug-osan nga 518 MNLF combatants an posible nga makiusa ha profiling activity.
Kada benepisyaryo in makakarawat hin P45,000 ha ilarom han Bangsamoro Transitory Family Support Package.
Pag-eksplikar han ahensya, an nasabi nga inisyatibo in suporta han gobyerno ha ira pagbalik ha mahimyang nga kinabuhi ngan makakabulig ine para ha ira pagbabag-o hin panginabuhi.
