TACLOBAN CITY – Nagpahimatngon ha publiko an Former Education Deputy Secretary EVRPC/Eastern Visayas Peace Builders & Development Federation Inc. President ngan peace advocate nga hi Alma Gabin kasumpay han mga kinahanglan igkonsidera nga aspeto han mga molupyo ugsa an mga ine makiusa ha mga organisasyon o mga partylist yana nga tikaharani na an piniliay.
Sumala pa hine, kinahanglan nga magin mapag-obserba an usa nga indibidwal mahitungod nga kun emosyonal ngani an usa nga indibidwal in madali-dali la ine nga mare-recruite han mga walhun nga grupo.
Sanglit, importante daw nga hibaruon anay an tumong han usa nga grupo ugsa makiusa ha hine; basahon in maupay an mga konstitusyon nga ginpapasunod han nasabi nga grupo; ngan hibaruon an mga isyu nga ginbabatak han grupo ha gobyerno.
Panuyuan gudman ni Gabin nga maiharayo ngan maproteheran—labi na an mga kabataan—ha mga maraot nga panuyuan han mga walhun nga grupo.
Nanawagan gihapon ine ha mga gidaan na bulig han nasabi nga mga grupo nga maghimo hin mga alternatibo nga pitad agud mahibaruan an mga kagiusan nga ginbubuhat han mga ine, sugadman kun patiunan-o hira gingagamit nga panalipdanan han mga walhun nga grupo. (via Bombo Niña Magpili)
