TACLOBAN CITY – Nagdumara hin pagsunog han mga nakumpiska nga droga ngan mga expire nga medisina an buhatan hiton Philippine Drug Enforcement Agency (PDEA) Regional Office 8 dida han Hunyo 26 ha Palo, Leyte.
Sumala kan Rogelette Urgel, Information Officer hiton Philippine Drug Enforcement Agency (PDEA) Regional Office 8, mayda kabug-usan nga kantidad nga P84,905,185.72 an ginsunog nga mga droga ngan medisina.
Gin atenderan naman an nasabi nga pagsunog han mga magkaduru-dilain nga representante han mga magkaduru-dilain gihapon nga buhatan.
An mga masunod naman an nagin kabug-usan nga gramo ngan kantidad han mga ginpasunog nga medisina nga droga.
-Marijuana
-813.922 grams
-Php. 97,670.64
-Methamphetamine HCl (Shabu)
-12,450.9581 grams
-Php. 84,666,515.08
-Expired Medicines
-542 ampoules,
-224 tablets
-Php. 141,000.00
An nasabi nga pagsunog in gin dumara gihapon kasumpay han pag obserba han International Day Against Drug Abuse and Illicit Trafficking (IDADAIT) 2023 nga mayda tema nga “People First: Stop Stigma and Discrimination, Strengthen Prevention.”
