-- Advertisements --
TACLOBAN CITY – Nagdumara hin “Oplan Galugad” operation an Philippine Drug Enforcement Agency (PDEA) Regional Office 8 ha usa nga Provincial Jail ha Brgy. Western Hilongos, Leyte.
Sumala kan Rogellete Urgel, tagapagyakan han PDEA 8, mayda pira nga mga kontrabando nga nakuha han mga otoridad kalakip na an mga communication devices o cellphone, sigarilyo, deadly weapons, TV, speaker, kwarta, mga makahurubog nga irimnon ngan pira nga mga unprescribed nga mga medisina.
Waray naman nakuha nga ilegal nga droga an mga otoridad ha mao nga pasilidad.
Pahayag pa han mao nga opisyal, an pagdudumara hini nga Oplan Galugad operation in agud maging “drug free ” an ngatanan nga jail facility.
