NATIONAL – Gintagan hin pagkilala han Philippine Coast Guard an sobra 70 nira nga tawo nga rumesponde ngan bumulig ha mga sundalo nga Pilipino nga ginatake han China Coast Guard ha West Philippine Sea.
Personal nga gintagan hin pagkilala ni PCG Commandant Admiral Ronnie Gil Gavan, an “Distinguished Coast Guard Cross and Ribbon” ha mga tripulante han BRP Cabra ngan BRP Bagacay ha Buliluyan Port ha Bataraza, Palawan.
Gingamit han mga Coast Guard an mga nasabi nga 44-meter vessels ha pagbubuhat hin regular nga amritime patrol operations agud nga masigurado an katalwasan ngan seguridad han mga purupangisda nga Pilipino ha West Philippine Sea.
Samtang, naghatag gihapon an PCG hin security assistance ha mga resupply mission han Armed Forces of the Philippines ha BRP Sierra Madre ha Ayungin Shoal.
