TACLOBAN CITY–Ginpaangbit ni Ensign Ryan Jaime Tolentino, Information Officer han Philippine Coast Guard (PCG) District Eastern Visayas, an ira mga kumo pangandaman ha tiarabot nga Bagyong Basyang.
Kalakip ha mga nagin pitad an pagbuhat hin mga proactive and preparedness measures, pag-isa han Blue Alert Status, ngan pagpagawas hin mga Sea Travel Advisories ngan pagpatuman hin temporaryo nga pagsuspendi han ngatanan nga biyahe ha mga pantalan han rehiyon.
Nagbuhat naman ann mga PCG personnel tikang han Coast Guard Security Patrol hin public pagbandilyo ha mga mangirisda agud nga pagbawalan an mga ine nga magpalawod.
Umatender gihapon an ira mga personnel ha mga pre-disaster preparedness disaster meetings kaupod an mga counterpart agencies sugad han Regional Disaster Risk Reduction Management Office ngan Philippine National Police (PNP).
Dugang pa hine, in-activate na gihapon han mga coast guard stations and substations han ira mga Deployable Response Group teams (DRG) ngan nangandam hin available mobility ngan floating assets para ha pagresponde.
Samtang nanawagan naman hi Tolentino ha mga mulupyo nga nag-uukoy ha mga low ying areas magin ha ligid hiton coastal water areas nga mag evacuate ha dagmit nga panahon.
