TACLOBAN CITY—Nagin malinampuson an gindumara nga job fair han Philippine Chamber of Commerce and Industry Tacloban-Leyte, Inc. kasumpay han pagsalin-urog han 18th Leyte Business Month.
Sumala kan PCCI Tacloban-Leyte Inc. President, Eugene Tan, magkaduru-dilain nga mga klase hin panarabahuan an gin offer han nasabi nga job fair kun diin mayda ine kanan manpower, construction, restaurant, teaching positions, call center-related, ngan damo pa.
Ada naman ha sobra 1,000 nga mga partisipante an naki-usa ha nasabi nga job fair kun diin ada gihapon ha sobra 80 an mga na-hire onsite.
Sobra 1,600 naman nga mga trabaho an gin offer ha nasabi nga fair tikang ha 60 nga mga participating local employers nga bulig ha nasabi nga aktibidad.
Samtang, bumulig gihapon ha job fair an pira nga mga ahensya han gobyerno sugad han Philippine National Police (PNP), National Bureau of Investigation (NBI), Philippine Health Insurance Corporation (PhilHealth), Bureau of Internal Revenue (BIR), Social Security System (SSS), Pag-IBIG, ngan iba agud mapadagmit an pagkuha han mga rekisitos nga kinahanglan igpasa han mga na-hire ngadto han ira gin applyan nga kompanya.
