NATIONAL- Mapapasaka na hin kaso an Philippine Contractors Accreditation Board (PCAB) kontra ha mga contarctor han ghost project ha Baliwag, Bulacan.
An mao nga proyekto in an food control project nga gin bisita ni Pang. Ferdinand Marcos han nakalabay nga (Aug. 20) nga mayda naka alutaga nga pondo pero waray actual nga proyekto.
Subay ha PCAB Executive Director, Atty. Herbert Matienzo, may katungod an PCAB nga papagbatunon an mga contractor kun may kapakyasan an mga ine sugad han pag-abandona han ira mandato nga kontrata, pagbinuwa han mga ginsumiter nga dokumento ngan iba pa nga pagtalapas.
Gindig-unan han abogado nga nagtikang na hira maghikay hin mga impormasyon kasumpay ha nasabi nga mga contractor ngan ginsigurado nga maghahaon an mga ine hin kaso agud nga mapagbaton an nasabi nga mga kontraktor.
Labot ha nasabi nga proyekto, ginsigurado gihapon, han abogado nga ginsusubaybayan gihapon nira an iba pa nga mga kontrobersyal nga flood control infrastructure project, kadungan han pagkakabuyagyag han haluag nga korupsyon han mga ine.
