-- Advertisements --
TACLOBAN CITY– Ginpahibaro han Philippine Coconut Authority Regional Office Vlll, nga humitaas an presyo hiton lugit yana nga bulan kun diin umabot ine hin P78.00 an farmgate price.
Sumala kan Joel Pilapil, Regional Manager, Philippine Coconut Authority Regional Office Vlll, yana nga tuig an iya nakikita nga duro an ginhitaas hiton pampresyuhan han lugit ha rehiyon.
Dugang pa hine, ginkakalipay ine han mga parag-uma hiton lubi, matungod nga dako ine nga bulig ha ira.
Ginpaangbit pa ni Pilapil, nga an Leyte, Southern Leyte, Samar ngan Northern Samar an may damo yana nga suplay hiton lugit.
Ginmalatumat pa hine nga an rehiyon 8, mangud an may pinakadamo nga suplay hiton lugit ha bug-os nga nasud.
