PALO, LEYTE – Personal nga tumambong hi Presidente Ferdinand “Bongbong” Marcos Jr. ha Palo, Leyte ha opisyal nga paglulunsar han Phase 2 ngan Phase 3 han National Fiber Backbone Project kasugbong an Department of Information and Communicatios Technology nga may panuyuan nga maghatag hin mas barato, mas paspas, ngan mas haluag nga internet connection ha bug-os nga Pilipinas.
Gintagan-duon naman ni Presidente Marcos nga dire ine prebelihiyo kundi usa nga panginahanglan an pagkakamay-ada hin malaksi nga internet connection.
Sumala pa hine, kinahanglan an internet connectiion ha edukasyon, panarabaho, negosyo, ngan kumunikasyon han mga katawhan.
Ginpahibaro gihapon hine nga pinaagi han Phase 2 ngan Phase han proyekto in mas madudugangan an mga lugar nga makaka-access hin high-speed internet, labi na an mga Geographically Isolated and Disadvantaged Areas o (GIDAs).
Ha pagkayana, 1,800 kilometro na han bag-o nga fiber network an nailatag kabahin han expansion tikang ha Phase 1 nga nakompleto na han naglabay nga tuig tikang ha Ilocos Norte tubtob Quezon City.
Ini nga National Fiber Project o Digital Bayanihan in ginpahalawig yana ha mga rehiyon han Cagayan Valley, Calabarzon, Bicol, Eastern Visayas, ngan Central Mindanao.
Pinaagi hini, sobra 600 nga opisina han gobyerno an magkakaada hin mas marig-on nga internet, nga makakabenepisyo hin 17 milyones nga Pilipino. (via Bombo Shiela Encio)
