NATIONAL NEWS–Nakatalaan nga bumiyahe hi Pangulong Ferdinand Marcos Jr. pakadto ha India para ha lima ka-adlaw nga State Visit tikang ha August 4 – 8, 2025.
Ine in subay ha nagin imbitasyon ni Indian Prime Minister Narendra Modi.
Subay ha Presidential Communications Office, makikipaghimangraw an Pangulo ha mga lider han India ha New Delhi, ngan mapakadto ine ha Bangalore para ha serye han business engagements agud nga pakusgon an sumpayan han duha nga nasud ha pantag hiton ekonomiya.
Makikigkita gihapon hi Pangulong Marcos ha Filipino community ha New Delhi kumo kaparte han iya opisyal nga schedule.
Mababaruan nga ine an syahan nga State Visit han usa nga Philippine President ha India tikang hadton October 2007, han bumisita hi anay Pangulong Gloria Macapagal-Arroyo.
