-- Advertisements --
NATIONAL NEWS -Ginsigurado ni Pangulong Ferdinand Marcos Jr. nga waray hine sasantuhon ha iya gobyerno ngan magbabaton ha balaod an hinoman nga mapapamatud-an nga nagkamayda hin kabapabayaan ha mga flood control project, o naniningabot ha salapi han taumbayan.
Ha ginpagawas nga teaser han PCO para ha Podcast interview han Presidente ginpahayag han Pangulong Marcos nga bisan ka-alyado niya ha politika, ngan mapamatud-an ine nga nagkamayda hin paniningabot, in dire ine papalampuson han iya administrasyon.
Manunumduman, ginpahayag hine ha State of the Nation Address (SONA) ngan iya ginmando ha Department of Public Works and Highways (DPWD) an kumpleto nga listahan han mga flood control project han nakalabay nga 3 katuig.
