NATIONAL – Ugsa pumakadato ha India, umatubang ha usa nga interview hi Presidente Ferdinand Marcos Jr. agud pag-hisgotan an magkadurudilain nga isyu mahuman an iya ika-upat nga State of the Nation Address.
Usa dinhi an korapsyon ha mga flood control projects han gobyerno.
Sumala ha Pangulo, kapot na niya an mga ngaran han mga tawo gna responsable ha mga palpak nga flood-control projects nga nagin rason han mga pagbaha ha pira nga parte han nasud.
Dire hiya magruruwaduwa nga papagbatunon an bisan hino nga mapapamatud-an nga nagkulang ha ira responsibilidad, bisan gaano kahitaas an posisyon.
Samtang, nagahimatngun gihapon han Presidente, nga ipapa-blacklist o dire na makakakontrata ha gobyerno an mga kumpanya ngan contractor nga mapapamatud-an nga dabi ha korapsyon ngan kakasuhan an mga kumpanya ngan opisyal nga pakyas mag-eksplikar kun nahingain an pondo nga gingastos ha mga proyekto.
