NATIONAL – Gin manduhan ni Presidente Ferdinand Marcos Jr. an Department of Information Communication Technology (DICT) nga pahaluagon an internet connections ha magkaduru-dilain nga parte han nasud.
Gin buhat han Presidente an pahayag ha ginbuhat nga pagbisita ha Delos Santos Elementary School ha syudad han Maynila, kun diin dismayado an presidente nga 60% la an mga iskuylahan nga mayda internet connection kun diin duro daw ine hin kahamubo para makabaton ha panginahanglan ha pagtututdo han mga maestra.
Kaupod daw manggud han kawarat internet connection in an problema ha suplay han kuryente labi na ha gintatawag nga GIDA o geographically isolated and disadvantaged areas ha nasud.
Samtang, gin manduhan gihapon han Presidente an Department of Trade and Industry (DTI) ngan Department of Transportation nga himuon an ngatanan agud maibanan an gastuson han mga kag-anak ngan mga istudyante.
Magin an Department of Health (DOH) in ginmanduhan gihapon hine nga magbutang hin pasilidad ngan mga tawuhan nga madadaupan para magtambal in kaso nga magkasakit an kabataan o magkamay-ada hin injury samtang ada ha iskuylahan.
