Nakatalaan makighampang hi Presidente Ferdinand Marcos Jr. ha mga negosyante ngan mamumuhunan ha Canada ha iya opisyal nga pagbisita tikang Hulyo 1 kutob Hulyo 4, 2026.
Sumala kan Palace Press Officer Claire Castro, kalakip ha mga sektor nga mabulig ha mga pagharampang an pagmimina, information technology (IT), business process management (BPM), telekomunikasyon, nuclear energy, ngan serbisyo pinansyal.
Ginlalauman gihapon nga mapipirmahan an mga kasabutan ha enerhiya, likas nga yaman, kalakalan ngan pamumuhunan, pagmanupatura ngan imigrasyon, turismo, ngan kultura.
Makikighampang gihapon ni Marcos kan Canadian Prime Minister Mark Carney agud pahilarumon pa an sumpayan han Pilipinas ngan Canada, kaupod an kooperasyon ha depensa, seguridad, kalakalan, pamumuhunan, enerhiya, ngan importante nga mineral.
Kaupod gihapon han Presidente hi First Lady Louise Araneta-Marcos ha pakikigkita ha komunidad han mga Pilipino ha Vancouver, British Columbia.
