-- Advertisements --
NATIONAL- Mahugot nga ginmomonitor ni Pangulong Ferdinand “Bongbong” Marcos Jr. An kabutangan han mga residente ha Davao Oriental ngan kahagrani hine nga lugar mahuman an magkasunod-sunod nga linog nga umigo ha rehiyon.
Kumo baton, personal hiya nga bumisita ha mga apektado nga lugar ngan upod hine an pira na mga miyembro han iya gabinete agud siguraduhon an madagmit nga pagbaton han gobyerno.
Ha iya nagin pagbisita ha Manay ngan Tarragona, ginpangunahan ni PBBM an situational briefing kaupod an mga opisyal han gobyerno.
Iya ginsigurado an dayon nga bulig kalakip na an P298 milyon nga pondo tikang ha Office of the President para ha mga LGU ha Davao ngan Caraga regions.
