NATIONAL–Natuod hi Pangulong Ferdinand Marcos Jr. nga kinhanglan nga igparig-on han mga nasud ha ASEAN an ira mga supply chains ngan igpakusog an balyuay sulod han mao nga rehiyon.
Sumala ha Pangulo, usa nga importante nga leksyon tikang han COVID-19 pandemic kay an panginginahanglan nga himuon nga mas madig-on an mga supply chains, labi na ha parte han mga kapwa nasud nga myembro han ASEAN.
Ginpahayag ni Pangulogn Marcos nga ginbabanabana nga ada ha 23% la an kabug-osan nga balyuay han ASEAN an nagtitikang ha itnra-trade o balyuay ha sulod han rehiyon, samtang 77% in tikang ha gawas hiton ASEAN.
Mahitungod hine, ginpahayag han presidente nga nagkamayada hin kasabotan an mga myembro nga nasud nga unahon an pagpakusog han relasyon ha balyuay sulod han ASEAN region.
Ginmalatumat pa han Pangulo, nga kalakip ha mga pitad nga ginhihisgutan kay an pagbug-os hin common ASEAN power grid ngan an pag-standardize han mga proseso ha importasyon agud nga mas mapadagmit an transaksyon ngan himuon nga mas hilarom an pagintindi ha balaud ngan Sistema han pagnenegosyo han kada nasud.
=============
Pacquiao, ginklaro nga dire exhibition fight an utro nga pagatubang niya kan Mayweather
SPORTS–Ginklaro ni Manny Pacquiao nga an utro nga pag atubang niya kan Floyd Maywqeather in dire usa nga exhibition boxing fight.
Sumala ha anay 8 division boxing champion, nga bisan nga waray kinagawsan ga titulo in magigin tinuod an laban.
Dugang pa hine nga upod ine nga mauukit ha ira boxing record.
Mababaruan nga urhi nga nagatubang n duha han 2015 kun diin napakyas an Pinoy boxing champion.
===============
Kylie Padilla, ginklaro an viral nga intrimis kanit han iya tatay
ENTERTAINMENT–Ginklaro han aktres nga hi Kylie Padilla an usa nga viral ideo kun diin hiya hin nangintrimis kanit ha posiblidad nga dumalagan an iya tatay, hi Sen. Robin Padilla, kumo Bise-Presidente ha 2028.
Sumala ha iya, dire niya intension nga ig-insulto an iya tatay.
Ha iya usa nga social media post, ginpahayag ni Kylie nga maiwas hiya ha Pilipinas para han mahimyang nga kinabuhi ngan natapod hiya ha iya tatay ngan an mga maupay nga ginhihimo niya para ha nasud Pilipinas.
Ginbuhat niya an pagklaro mahuman nga nakakarawat ine hin batikos tikang ha pira ka netizens nga gin-interpret an iya intrimis kumo panginsulto ha iya tatay.
An intrimis in nagtkang ha usa nga pakipaghimangraw kun diin ginpakiana hiya kun ano an reaksyon niya kun madalagan an iya tatay ha eleksyon.
Baton naman niya nga waray hiya reaksyon pero maiwas na hiya ha Pilipinas.
Dugang pa ni Kylie nga katungod niya nga pillion an mahimyang nga kinabuhi.
