NATIONAL NEWS– Ginpangunahan ni Pangulong Ferdinand Marcos Jr., an paglulunsar han P20 kada kilo nga bugas ha Zapote Public Market Bacoor City, Cavite.
Target han gobyerno nga mai-rollout an P20 kada kilo hiton bugas ha bug-os nga nasud.
Sayo pala in halaba na iton pila han mga residente para makapalit an mga ine hin barato nga bugas.
Sumala kan Agriculture Secretary Francisco Tiu Laurel nga an nasabi nga barato nga bugas in igro -rollout yana para la ha mga benepisyaryo han 4Ps, senior citizens, PWD ngan single parents.
Ginklaro naman han kalihim nga bisan dire mga taga-Bacoor in pwede an mga ine makapalit hin bugas.
An kada-indibidwal in pwede nga makapalit hin maximum nga napulo ka-kilo.
Ada naman ha kabug-usan nga 500 kasako hiton barato nga bugas an gin-alutaga hiton DA para ha rollout han nasabi nga programa ha Bacoor yana nga adlaw.
Mababaruan nga mayda pira nga mga lugar ha Cavite an nauna na nga nag-offer hin barato nga bugas sugad hiton Dasmarinas City kun diin ine in mapapalit la ha mobile kadiwa nga nabisita ha magkalain-lain nga barangay kinada- Huwebes ngan Biyernes.
