NATIONAL NEWS– Ginpapasigurado ni Pang. Ferdinand Marcos, Jr. ha Department of Education (DepEd) nga siguraduhon an maupay nga serbisyo hiton tubig, kuryente ha mga eskwelahan ha bug-os nga nasud.
Persoanal nga ginbisita ni Pang. an Epifanio de Los Santos Elementary School ha Manila kun diin personal hine nga ginpanginano an sitwasyon ha syahan nga adlaw han klase ngan kun anu an mga panginahanglan hinen.
Ginlibot han Pangulo an mga classrooms kun diin nagkamayda ine hin higayon nga maka-interact ha mga kabataan.
Ginsigurado naman han Pangulo nga bug-os an suporta han gobyerno labi na ha edukasyon.
Ginmanduhan gihapon han Presidente an DOH, DSWD, DTI ngan DOTr nga buligana an DepEd yana nga pag-abre hiton klase.
Ha lain nga bahin, ginmalatumat naman ni DepEd Secretary Sonny Angara nga ginpapasigurado han pangulo ha ira an maupay nga water service para ha mga eskwelahan para ha katalwasan ngan malimpyo han mga estudyante.
Karuyag gihapon han presidente nga himuon nga prayoridad an pag-papaupay ngan paglimpyo han mga comfort rooms han kada eskwelahan, matungod ha mga sakit nga posible maidurot hine ha mga kabataan.
