STA. RITA, SAMAR – Gin pangunahan ni Presidente Ferdinand R. Marcos Jr. an programa nga Trabaho at Serbisyong Pangkalusugan sa Bagong Pilipinas ha Sta. Rita, Samar.
Gindumara an job fair ha pangunguna han Department of Labor and Employment o (DOLE), Department of Social Welfare and Development (DSWD), ngan han Public Employment Service Office (PESO) han munisipalidad kun diin mayda 3,000 nga bakante nga trabaho tikang ha mga lokal ngan mga langyawanon nga employer.
Ginbaban-bana naman nga maabot ha 1,944 an mga job seekers tikang ha han-ay han Pantawid Pamilyang Pilipino Program (4Ps) graduates ngan Assistance to Individuals in Crisis Situations (AICS) beneficiaries an nakatagamtam hine.
Nanhatag gihapon an Department of Labor and Employment hin P4,050 nga cash assistance ha 1,000 nga benepisyaryo han TUPAD program, samtang, 97 nga benepisyaryo naman han Integrated Livelihood Program (ILP) an nakakarawat hin start-up kits nga nagkakantidad hin P29,950 kada usa.
Samtang, nanhatag naman an Department of Healthh (DOH) hin magkaduru-dilain nga libre nga serbisyo nga medikal sugad han dental check-ups, medical examinations, laboratory tests, pamamahagi ng gamot, assistive devices, senior citizen kits, immunization (kasama ang routine at pneumonia vaccines), vision ngan cancer screenings, HIV testing, ngan iba pa health promotion initiatives.
Usa pa ha mga presente han nasabi nga programa in an Kadiwa ng Pangulo han Department of Agriculture (DA), kun diin mapapalit an mga pangunahon nga papliton ha abot-kaya nga presyo.
Sumala naman kan Presidente Ferdinand Marcos Jr., pinaagi han mga nasabi nga programa in matatagan hin oportunidad ha trabaho, pakabuhi, ngan serbisyo-panlawas, dire la an mga Waraynon kundi pati na gihapon an ngatanan nga mga Pilipino. (via Bombo Shiela Encio)
