NATIONAL – Natuod hi Presidente Ferdinand Marcos Jr nga makuri makabug-os hin quorum agud asikasuhon an igin salawad nga impeachment complaint kontra kan Vice President Sara Duterte.
Ha usa nga pahayag, ginmalatumat hine nga harani na manggud an campaign period ngan busy na hine an mga kongresista ngan mga senador ha pangangampanya.
Karuyag sidngon, waray na daw mga kongresista ngan senador nga matutok o maghahatag hin panahon para batunon an mga reklamo nga impeachment mahitungod nga sigurado daw nga mangangampanya na an mga ine.
Dugang pa hine, dire ine an sakto nga timing o panahon para pag istoryahan an impeachment.
Samtang, abuyon naman ni Presidente Marcos Jr. ha nagin opinyon ngan dig-on ni Chief Presidential Legal Counsel, Secretary Juan Ponce Enrile kasumpay ha posible nga magin precedente kun dire tugutan nga gumana an nakasurat ha Saligang Batas kasumpay ha mga iginduduso nga impeachment complaint kontra kan Vice President Sara Duterte.
Gin tagan duon ni PBBM nga hi Enrile in usa ha mga best legal thinkers ha nasud.
Dugang pa hine, tinuod an obserbasyon ni Enrile nga mandato han Kamara ngan Senado ngan dunggon an mga reklamo nga impeachment kontra kan VP Sara.
