NATIONAL – Gin papasiguro han Presidente ha Philippine Drug Enforcement Agency ngan Philippine National Police nga dayun nga gubaon an mga nakumpiska nga ilegal nga droga ha mga gindumara nga operasyon agud dire na an mga ine magamit o ma-recycle utro.
Personal nga ginkadto han Presidente an sistema na gindudumara nga pagsunog han mga ilegal nga droga ha Capas.
Sumala ha Presidente, gintuyo niya nga tutukan an sistema tikang ha pagkakakumpiskar han mga ginbabawal nga droga, ha testing kutob nga maibutang na ha incenerator para sunugon an bulto-bulto nga illegal drugs.
Gintagan-duon han Presidente nga karuyag niya nga makasigurado nga waray maigagawas ha mga nakumpiska nga droga ngan masigurado nga naguba ine ngan dire na maipapasarang utro.
Kumpyansa naman an Presidente nga ha kapaso nga 700 degree Celsius in maaabo an mga droga nga ginsalang ha incenerator kaupod an mga active ingredients hine ngan an gintatawag nga floating shabu.
