Waray hin-o man nga opisyal, bisan pa hi Presidente Ferdinand Marcos Jr., an talwas ha probisyon han 2026 General Appropriations Act (GAA) nga nagbabawal ha pagbubutang han nawong hin pulitiko pinaagi han bulig han gobyerno.
Sumala kan Palace Press Officer Claire Castro, dayun nga ginpatanggal ni PBBM ha Department of Social Welfare and Development (DSWD) an iya tarpaulin ha usa nga payout center para ha ayuda han mga driver.
Mahugot gihapon nga nga ginpahimatngunan an mga lokal nga opisyal nga dire himuon nga entablado han pamumulitika an distribusyon han ayuda.
An bulig han gobyerno in para ha publiko, dire para ha pagpapahamot han ngaran.
Ha kaluyo hini, gin malatumat han Malakanyang nga importante la gihapon nga maipahibaro ha publiko an mga programa han administrasyon kumo pamatuod nga mayda ginhihimo an gobyerno ha butnga han krisis.
