ODD NEWS– Usa nga bag-o nga high-tech nga payong an naimbento ha France nga may kapas nga mahibaruan an panahon ilabi na kun mauran ha mao nga lugar.
Mababaruan nga ginhimo han French company nga Wezzoo an “Oombrella,” usa nga high-tech features nga payong nga naghahatag hin kapas ha mga nagamit hine matungod nga nahihibaro an mao nga payong han panahon ugsa paman nga gumawas an magamit ha iya.
Kilala kumo“portable weather station” an mao nga payong matungod nga mayda ine sensor nga akos mahibaruan an temperatura ha kalibungan sugad hiton duro kasirak durot hiton adlaw, mababruan nga gintitirok han payong an mga impormasyon agud nga maghatag hin pahibaro ha mga magamit han Oombrella.
Mayda gehapon solusyon an Oombrella para ha mga agsob nga mawad-an hin payong, an mao mangud nga payong in mayda GPS sanglit nga mahihibaruan han tag-iya kun ngain ine niya nahibayaan.
Hapagkayana in plano nga magpagawas an kompaniya hin usa nga gutiay nga gadget nga igkakabit ha ordinaryo nga payong agud nga magin kaparehos ka high -tech han Oombrella.
Manunuduman nga ha urhi nga parte han 2016 in ginpasapubliko an panmaligya han Oombrella ngan ginbabana-bana nga aada 79 euros(kabalyo hin sobra 4,000 ) an nagin presyo hine.
