Ha ginpagawas nga Memorandum Circular ni Ombudsman Jesus Cripsin Remulla nga nagtatangal hiton mga limitasyon ha pag-akses han Statement of Assets, Liabilities, and Net Worth o SALN, kalakip hini an mga procedures ngan pag-request hini.
Una, pwede magfile hin request for SALN ha bisan diin nga Public Assistance and Corruption Prevention Office (PACPO) o bisan diin nga Public Assistance and Corruption Prevention Bureau (PACPB) ha area or sectoral offices nga mag-dedetermina han official repository ngan, kun kinanghalan, igsasaka hini an request ha appropriate nga office kalakip na ha Ombudsman.
Para naman ha mga public officials o mga empleyado nga mga bag o pala kumo government offices, an Central Office an magseserbi nga default repository gawas la kun suportado ine hiton balaod.
Kinahanglan han requesting party nga magpresentar hin bisan 2 ka identification cards kun diin usa ha mga ID’s in kinahanglan nga government-issued.
An requesting party gihapon an mabayad han mga garastoson ha reproduction o certification hini.
Dugang pa hini, an bisan hino nga requesting party nga magpupublish, magbrobroadcast, o igpapagawas ha publiko an bisan ano nga output nga ginhimo tikang ha SALN, kinahanglan magpasa hin kopya o accessible link ha output ha Office of the Ombudsman pinaagi hiton PACPO o PACPB office kun diin gin-file an request.
