TACLOBAN CITY – Natudlok na an pangilal-an han biktima nga natad-an nga waray na kinabuhi ha usa nga tulay ha Brgy. 97, Cabalawan Tacloban City.
Ginkilala an biktima kan Marlon Arnoco, 22 anyos, usa nga LGBTQ+ member ngan residente han Purok 5B, Brgy. 105, Suhi, Tacloban City.
Sumala kan PMaj. Jose Gallanes Jr. Station Commander Police Station 3 Kawayan, nga subay ha ira inisyal nga imbestigasyon nga an biktima in usa nga deaf-mute ngan urhi ine nga nakit-an nga kainom an iya mga kasangkayan ha mao nga lugar.
Nagtutuo an mga otoridad nga maabot 2 kasemana na an nakakalabay, ugsa nga makit-an an patay nga lawas matungod nga ine in ada na ha state of decomposition.
Temporaryo naman nga ginpahayag han mga otoridad nga waray hira may nakikit-an nga foul play hapagkayana, pero dire naman ginwawara an angulo nga posible mayda mga dabi o nagpapaluyo han pagkamatay han mao nga biktima, sanglit nga nag-hangyo hira hin katugutan tikang ha kag-anak han biktima agud nga mapailarom an patay nga lawas ha autopsiya.
Hapagkayana in padayon pa an gindudumara nga imbestigasyon han mga otoridad ngan nanawagan ine ha publiko nga kun mayda an mga ine impormasyon in dayon nga makipagsumpayan ha ira buhatan agud nga matagan hin hustisya an kamatayon han nasabi nga biktima.
