TACLOBAN CITY – Usa nga lawas han lalaki an natad-an nga waray na kinabuhi nga naglulutaw-lutaw ha Brgy. 75 Fatima Village, Tacloban City banda alas 10 han aga han nakalabay nga adlaw.
Ginkilala an biktima kan alyas “Mar,” 61-anyos an pangidaron, inasaw-an, usa nga tricycle driver ngan residente han Brgy. 106, Sto. Nino GMA Village, Tacloban City.
Basar hiton imbestigasyon, nga nagsarit an biktima ha iya anak nga mapakadto ini ha Brgy. 88 San Jose agud mangisda kun diin, ginkikita nga gin-atake ini ha kasing-kasing samtang namumukot rason han pagkamatay hini.
Sumala pa han anak hini, nga may-ada history an biktima hiton sakit nga high blood.
Samtang, gin turn-over na han mga otoridad an lawas han biktima ha pamilya hinin, ngan waray naman nira may nakita nga foul play ha mao nga insidente.
