TACLOBAN CITY – Usa nga patay nga lawas hin babaye an nahikit-an ha may Brgy. San Roque Mayorga, Leyte.
Ginkilala an biktima kan Marilou Ramos, ada ha insakto nga pangidaron ngan residente han Santa Elena, La Paz, Leyte.
Sumala kan PMAJ Antonio M. Angcay Jr. Acting Chief of Police hitun Mayorga MPS, han nakalabay nga gabi in na -report ine ha ha Mayorga Municipal Police Station kun diin nahingadto an anak hine nga biktima pagkita han patay nga lawas pero waray daw anay ine pakakilala.
Subay han mao nga opisyal, pag-abot han Socco, may-ada nakuha nga gamit han biktima sugad han medical certificate ngan an T-shirt nga sul-ot han iya nanay rason nga nakilalal-an hine han iya anak.
Nag request daw an mga otoridad hin autopsy para mabaruan an nagin hinungdan mahitungod nga waray naman nakit-an nga foul play pero bumaarinad an pamilya han biktima.
Hapagkayana in padayun la gihapon an imbestigasyun han mga otoridad agud nga mahisabtan an nagin rason han mao nga insidente.
