TACLOBAN CITY – Ginkumpirma han lokal na pangobyernuhan han Pastrana Leyte nga apektado na gihapon an ira bungto han African Swine Fever (ASF).
Sumala kan Pastrana Mayor Marites Marcos, ini in mahuman nga magpositibo ha ASF an resulta han samples nga ginkuha ha mga nagkamatay nga mga baboy tikang ha duha nga barangay han ira bungto.
Kalakip ha mao nga mga barangay an Jones ngan Calsadahay, Pastrana Leyte.
Ha pagkayana in mahugot an ginbubuhat nga pagbabantay han Pastrana LGU partikular ha ira mga border control points agud nga malikayan an pagsarang han ASF.
Nahibaruan nga ha pagkayana in maabot na ha 9 an ihap han mga bungto ha rehiyon nga apektado han ASF, kaupod na an Abuyog, Javier, La Paz, MacArthur, Dulag, Tanauan, Palo, Pastrana ngan Burauen.
