TACLOBAN CITY– Patay an usa nga Pastor mahuman ine nga malumos ha Malasiga River Brgy. Libertad Abuyog, Leyte.
Ginkilala an biktima kan Ariel Balilo Nueca, 61-anyos an pangidaron, Pastor of Born-again Christian, ngan residente han Fine City Royal Brgy. San Roque Antipolo City
Sumala kan PSSG. Joseph Christian Garde, Duty Investigator Abuyog Municipal Police Station, nga subay ha ira gindumara nga imbestigasyon nga na-ngangarigo an mga ine kaupod an pira nga myembro han ira simbahan, ngan han tigda nala nawarayan hin kontrol an biktima matungod ha makusog nga current hiton tubig, kun diin ginprobaran pa ine nga buligan han iya mga upod pero matungod nga dako an biktima in waray nira ine kahulbot paigbaw ngan lunmunod ine ha ilarom han sapa.
Mahuman an pira kaminutos nga ginhulat agud nga tumin-aw an tubig in didto nakuha an lawas han biktima ngan gintagan pa ine hin first aid pinaagi hiton CPR, ngan dayon nga gindalagan ha ospital, pero gindeklara la ngahaw ine nga dead on arrival.
