Gin anunsyo ni Presidente Ferdinand Marcos Jr. nga magpapatuman an Department of Transportation (DOTr) hin service contracting program para ha mga operators ngan drivers han mga pampubliko nga sarakyan tinikangan Abril 15.
Ha usa nga video message, ginmalatumat han Presidente nga ira an ira ginkasarabutan mahuman an pagharampang han Unified Package for Livehoods, Industry, Food, and Transport (UPLIFT) committee.
Sumala kan Marcos, ha ilarom han program, babayaran han gobyerno an mga operators ngan drivers hin tikang P40 ngada ha P100 kada kilomentro agud magin dugang ha ira kita tikang ha pamasahe.
Para naman ha mga commuters, mayda 20% discount ha pamasahe kun diin an mga ruta hini in nakapukos ha mga lugar nga mayda koneksyon ha tren ngan pangunahon nga ruta han bus agud mas magin hapsay, malaksi, ngan matatapuran an biyahe.
An service contracting program in igpapatuman ha bug-os nga nasud ngan masakop ini ha sobra 50,000 nga PUV, 1,000 operators, ngan maabot ha 15,000,000 nga pasaheros.
Sumala pa kan Marcos, igpapatuman gihapon an nasabi nga program ha off peak hours agud masigurado nga mayda masasakyan la gihapon an mga kababayan bisan dire rush hour.
Ngatanan gihapon han mabulig ha program in mayda GPS monitoring agud masigurado nga aktwal an biyahe ngan hapsay an serbisyo.
