-- Advertisements --
TACLOBAN CITY – Nakit-an nga nagpapalutaw-lutaw an usa nga mangirisda ha kalalawdan hiton Limasawa.
Ginkilala an lalaki nga hi Jimbo Sumunod, 34 anyos an pangidaron, paru-pangisda ngan residente han Mabini, Bohol.
Sumala kan Mary Ann Caleon, MDRRMO Officer han Limasawa, narescue an lalaki han mga residente han Limasawa mahuman nga makit-an ine nga nagpapalutaw-lutaw ha kalalawdan kaupod han iya pumpboat nga kulob na. .
Tikang daw ha Bohol an lalaki ngan nangingisda la hine han tigda magbag-o an direksyon han balud rason para makulob an ira sarakyan.
Mababaruan nga nagpalutaw-lutaw ine ha sulod han upat kagab-i ngan tulo ka-adlaw ha dagat.
Ha pagkayana in ada na ha maupay nga kabutang an lalaki.
