NATIONAL – Karuyag ni Parañaque 2nd District Representative Brian Raymund Yamsuan nga matagan hin trabaho an mga Persons with Disability (PWDs) ngan mga senior citizens nga makabiling hin trabaho ngan mayda access ha upskilling opportunities.
Mahitungod hine iginduduso han Kongresista nga magtukod hin public offices ha local government level ngan makig-partner ha private sector nga mabulig ha mga PWDs ngan senior citizens nga makabiling hin trabaho.
Sumala kan Yamsuan, an mga indibidwal nga mayd kapansanan ngan mga seniors nga fit to work in pwede magin produktibo nga membro han ekonomiya kun hira in matatagan hin tyansa.
Dugang pa han magbabalaod, an mga PWDs ngan senior citizens in nakukurian makabiling hin trabaho mahitungod ha diskriminasyon, kulang ha mga paghag-id, ngan mga impormasyon.
Ginpahayag ni Yamsuan nga yana nga 20th Congress in iya utro igsasalawad an balaudnon nga may panuyuan nga manduhan an Department of Labor and Employment (DOLE) nga magtukod ngan mag-operate hin job facilitation offices para ha mga PWDs ngan seniors nga tatawagon nga Local Centers for Inclusive Employment (LCIEs).
Gintagan-duon ni Yamsuan nga an nasabi nga balaudnon in suporta han Presidente nga magpatuman hin beneficial policies and programs nga makakabulig ha mga PWDs ngan senior citizens.
