TACLOBAN CITY: Nagpapaupay na iton usa nga parag-uma mahuman ine nga pusilon hi-unong hiton land dispute.
Ginkilala an biktima kan alyas “Danny,” 53 anyos, samtang an suspek naman in ginkilala kan alyas “Reno,” pareho mga residente hiton Brgy. Cabay, Balangkayan Eastern Samar.
Sumala hiton Balangkayan Municipal Police Station, PCPT. Baltazar Cepeda Jr., nga nagkamayda hin mapaso nga argumento ha butnga han suspek ngan biktima rason kun kay-anu natabo an pamumusil.
Dayon naman nga gindara ha ospital an biktima agud nga tagan hin medikal atensyon.
Subay pa ha gindumara nga imbestigasyon han mga otoridad, nag-aagaw an mga ine han pagpa-awas han tubig para ha irigasyon han ira tanuman.
Padayon naman nga ginhahalpat hiton mga otoridad, an suspek mahuman ine nga kumalagiw kahuman han iya panmusil.
